Abasuubuzi abakolera mu katale akali ku Kumi Road e Mbale bali mu maziga olw’omuliro ogwokezza ebintu byabwe. Abasuubuzi bagamba nti bakomye kuba ensimbi baazewola mu bbanka
Gavumenti evuddeyo n’amateeka amakakkali ku balimi n’abasuubuzi abatunda eby’amaguzi ebweru okuli n’akatale ka East Africa. Bano basinzidde ku media center wano mu Kampala oluvanyuma lw’akasooli waffe okugobwa e South Sudan olw’omutindo.
Poliisi ekubye amasasi ne ttiyagaasi mu bbanga okugumbulula abatuuze ababadde abakambwe abakkidde abasajja basatu abagambibwa okwenyigira mu bubbi bw’ebisolo nebattako babiri. Abatuuze bano era bakkidde n’ennyumba yoomu ku bakwate ne bagikoona
Minisita w’ensonga ez’omunda mu ggwanga Maj Gen Kahinda Otafiire azzeemu okuwagira okukkiriza abantu balime enjaga n’amayirungi. Abyogeredde mu kakiiko akali mu kweneenya ebbago ly’etteeka erikwata ku biragalagala mu palamenti
Akulira Ekibiina kya NUP Robert Kyagulanyi Ssentamu asekeredde bannakibiina abakyabuulira n’agamba nti bangi ate bayaayaana okugyegattako. Abyogeredde mu kibuga eky’e Jinja ngayaaniriza Paul Mwiru eyegasse ku kibiina kya NUP okuva mu ANT
Minisita w’obugagga obw’ensibo Ruth Nankabirwa abitaddemu engatto okugenda e Lubanda okutabaganya abasima eby’obugagga eby’omuttaka ne kkampuni eya Kamuntu eyaweebwa olukusa okukiyiikula. Abasima eky’obugagga kino baludde nga beemulugunya nti tebasasulwa ensimbi zaabwe aba Kamuntu kyebawakanya
Bannamateeka mu kibiina ki Uganda Law Society baagala abasirikale ababeera batyobodde eddembe ly’obuntu babonerezebwe mu lujjudde. Babyogedde bafulumya alipoota ekwata ku kutyoboola eddembe ly’obuntu gyebafulumizza ku Fairway Hotel wano mu Kampala
Ababaka ba palamenti abatuula ku kakiiko akalondoola eby’enfuna by’eggwanga National Economy kasiimye gavumenti olw’okuddaabiriza oluguudo lw’eggaali nga bagamba lugenda kuyambako okutaasa enguudo mu kiseera ezifuuse ekizibu.
Don’t forget to subscribe to our channel and follow us on links below:
https://twitter.com/bukeddetv
https://www.facebook.com/BukeddeTV/
https://www.facebook.com/bukedde.ug/
https://twitter.com/bukeddeonline
Agabuutikidde 14 07 2023
source
